Ivan Raduloviç është lindur në Nikshiq.
Studimet bazë i ka përfunduar në Fakultetin Juridik të Universitetit të Malit të Zi, ndërsa studimet master në Universitetin Donja Gorica, në programin e studimeve të Politikës dhe Sigurisë Ndërkombëtare (moduli: Siguria Ndërkombëtare). Teza e tij e masterit, “Politikat e rregullimit të marrëdhënieve etnike në Mal të Zi nga rivendosja e pavarësisë deri te anëtarësimi në NATO”, hulumton zhvillimin e kuadrit të politikave etnike në Mal të Zi pas rivendosjes së pavarësisë.

Karrierën profesionale e ka filluar përmes programit qeveritar të trajnimit profesional në Ministrinë e Punëve të Brendshme të Malit të Zi. Që nga maji i vitit 2024 është i angazhuar në Aleancën Qytetare, ku aktualisht është koordinator i programit për të drejtat e njeriut dhe drejtësinë. Në këtë rol, ai udhëheq projekte të dedikuara për përmirësimin e të drejtave të njeriut, drejtësinë tranzicionale dhe mbrojtjen e komuniteteve pakicë, me fokus të veçantë në komunitetet rome dhe egjiptiane, si dhe nisma që mbështesin integrimet euroatlantike dhe evropiane të Malit të Zi.

Gjatë karrierës së tij profesionale, Ivan ka përfunduar me sukses një sërë trajnimesh dhe programesh edukative në fusha si monitorimi i të drejtave të njeriut në institucionet e mbyllura, reforma ligjore dhe institucionale, si dhe përgjegjësia e institucioneve publike. Ai gjithashtu ka organizuar dhe drejtuar vetë një numër të madh punëtorish dhe trajnimesh me qëllim forcimin e kapaciteteve të institucioneve publike, organeve të zbatimit të ligjit dhe organizatave të shoqërisë civile.

Ai flet gjuhën angleze, të cilën ka pasur mundësi ta përmirësojë gjatë dy viteve të shkollimit në Shtetet e Bashkuara të Amerikës.