Pavarësisht disa zhvillimeve pozitive, revolucioni i barazisë gjinore ende nuk ka marrë jetë në institucionet malazeze dhe as në jetën e përditshme.
Stereotipet gjinore kanë vite që po shkatërrojnë shoqërinë tonë, duke i imponuar grave një barrë të dyfishtë – nga njëra anë pritet arritja e tyre profesionale, ndërsa nga ana tjetër bartja e shumicës së detyrimeve familjare.
Megjithatë, edhe pse gratë përbëjnë 50% të popullsisë së Malit të Zi, prej të cilave 60% kanë arsim të lartë, ato ende përballen me barriera (të pa)dukshme që bllokojnë përparimin e tyre profesional dhe marrjen e pozitave drejtuese.
Kur bëhet fjalë për pjesëmarrjen politike të grave, Mali i Zi ka bërë disa hapa të caktuar, por në praktikë kjo është më shumë një përmbushje e normave ligjore sesa një standard aktual demokratik që promovon barazinë gjinore.
Se është një lojë numrash që nuk nënkupton ndikim të vërtetë, vërtetohet edhe nga fakti se Mali i Zi ka presidentin e shtetit, Qeverisë dhe Kuvendit, si dhe në krye të të 25 komunave krytarë burra. Dhe kjo nuk është e gjitha – të shtatë postet nënkryetare në Qeverinë e Malit të Zi janë të zëna nga burra!
Problem shtesë është mënyra se si shpenzohen fondet e destinuara për fuqizimin e grave në politikë, të cilat përdoren për shërbime partiake në vend të zhvillimit të tyre.
Shpresojmë që në periudhën në vijim, elitat politike të shmangin kornizat ligjore që inkurajojnë pjesëmarrjen e gruas në politikë, gjë që përfundimisht duhet të çojë në minimizimin e modeleve patriarkale dhe politikave shtetërore më gjithëpërfshirëse.
Danijella Darmanoviq,
Koordinatore e komunikatave, Aleanca Qytetare
