Me rastin e 32 vjetorit të vdekjes së Srgjan Aleksiqit, Aleanca Qytetare organizoi të hënën më 27 janar një tubim përkujtimor në bulevardin në Podgoricë që mban emrin e tij.
Srgjan Aleksiqi, simbol i guximit dhe solidaritetit vetëmohues, humbi jetën duke mbrojtur atë që duhet të jetë themeli i çdo shoqërie – jetën dhe dinjitetin njerëzor. Në një kohë përçarjeje dhe urrejtjeje, veprimi i tij tregoi se njerëzia dhe kujdesi për tjerin nuk kanë kufij dhe i kapërcejnë të gjitha pengesat.
Aleanca Qytetare është e përkushtuar për të ruajtur kujtimin e atyre që me veprat e tyre dëshmuan forcën e humanizmit. Ne theksojmë rëndësinë e përballjes me të kaluarën, pasi harresa çon në përsëritjen e gabimeve, ndërsa kultura e përkujtimit ndihmon në ndërtimin e një shoqëri më të drejtë.
Trashëgimia e Srgjan Aleksiqit duhet të mbetet udhërrëfyes për të ardhmen – një shoqëri në të cilën solidariteti, guximi dhe vlera e çdo individi janë parime të pacenueshme.
