Aleanca Qytetare dhe Ministria e Ekologjisë, Zhvillimit të Qëndrueshëm dhe Zhvillimit të Veriut kanë nënshkruar një Memorandum bashkëpunimi, me të cilin vendoset një kornizë partneriteti për veprim të përbashkët në fushën e mbrojtes së mjedisit dhe zhvillimit të qëndrueshëm, me fokus të veçantë në kontributin ndaj procesit të integrimeve evropiane të Malit të Zi dhe përmbushjen e detyrimeve nga Kapitulli 27 – Mjedisi dhe ndryshimet klimatike.
Memorandumi njeh rëndësinë e lidhjes ndërmjet institucioneve dhe shoqërisë civile me qëllim zbatimin më efikas të masave të përcaktuara në Hartën e rrugës për përmbushjën e kritereve përfundimtare në kuader të kapitullit 27, si dhe nevojën për forcimin e kapaciteteve të vendimmarrësve dhe aktorëve të tjerë relevantë në këtë fushë.
Një kontribut të veçantë Aleanca Qytetare do ta japë përmes programeve dhe rrjeteve të saj shumëvjeçare, duke përfshirë Shkollën e Studimeve Politike, Grupin e Gjelbër Parlamentar, rrjetin e klubeve të këshilltareve gra dhe Akademinë për Gratë në Politikë, të cilat do të shërbejnë si platforma për edukim, dialog dhe inicimin e politikave publike në fushën e mbrojtjes së mjedisit dhe zhvillimit të qëndrueshëm.
Fokus shtesë do t’i kushtohet avancimit të barazisë gjinore dhe forcimit të pjesëmarrjes së grave në proceset e vendimmarjes, veçanërisht në fushat që lidhen me mbrojtjen e mjedisit dhe zhvillimin e qëndrueshëm.
